فريش

فريش ..... شركة فريش من اسوأالشركات اللى ممكن تتعامل معاها ...وخصوصا ان المنتجات بتاعتها بتبوظ بسرعة ............اشتريت غسالة اطباق صغيرة منهم وبعد 5شهور عطلت وطلبتهم وصلحوها .....وبعدين عطلت تانى وكلمتهم ..جه الفنى وقالى دى هتتكلف 450 جنية عشان عاوزة طلمبة ....مش عارفى يعنى ايه؟ المهم قولته بس كدة كتير الغسالة كلها ب 1200 جنيه ...وانتو هتصلحوها ب 450 

ليه وفى النهاية مرضيوش يصلحوها ومشيو ......مع ان الغسالة دى اشتغلت بالظبط 5 شهور بس لانى مكنتش 

بستخدمها ف الصيف .......ياريت متسترخصوش زى ما انا عملت ...هاتو حاجةة غالية وتمنها فيها

https://goo.gl/ArfYHV   اللينك عشان تشوفوا بعنيكوا 

اريستون

انا السخان بتاعى اريستون بقاله سنه عندى ولسه فالضمان وبايظ من يوم 16 وكلمت الشركه محدش عايز يجى يصلحه وبيقولولى مفيش قطع غيار وعملت شكوى عندهم ومردوش عليا وكلمت الفرع الرئيسى برضه معملوش حاجه انا بقالى اكتر من 10 ايام منغير سخان فالتلج دة 

انا اشترى سخان غالى ويطلع صيانته بالارف ده ومش بيحترمو العملا بتوعهم ياريت توجهونى اعمل اى وحماية المستهلك اكلمهم ازاى ولا اعمل ايه

واللينك ااهو شوفوا بنفسكوا : https://goo.gl/e6lE06

سينس

انا اشتريت شاشة L e d هاى سينس من كرفور اسكندرية الصيف الماضى ثم فاجاة ﻻقيتها صوت بس مافيش صورة ولضمان ثﻻث سنوات ومش عاوزين يصلحوه والصيانة بتقول انا ماصلحش حاجه فى الضمان ماعرفش هم ليه عاملين ضمان وكمان هنصلحه على حسابنا فى القاهرة مش اسكندرية يعنى ازاى طيب مش عارفة اعمل ايه ياريت لو حد عارف يقولى اتصرف ازاى واللينك اهو : https://goo.gl/dBTJ6Z

(سخان تورنيدو)

العربى (سخان تورنيدو) أسوأ شركة فى مصر ومابيحترموش العميل وانا هقاطعهم ﻻنهم محتاجين يرجعوا يعرفوا اهمية العميل.
انا اشتريت سخان تورنيدو من 9 ايام ولحد دلوقتى ما جوش يركبوه مع العلم انهم قايلين التركيب خﻻل 48 ساعة وبتصل كل يوم وخدمة العمﻻء اللى مش شايفين شغلهم يعتذروا وبقولولى جايين بكره.. انا هنزل النهارده بالليل ارجعه واجيب كريازى او اوليمبيك كلهم فى اﻻخر زى بعض الحاجه الوحيده اللى بتفرق هى الخدمة والعربى اول القصيدة معاه كفر يعنى طلعوا عينى علشان يركبوا امال لو عطل هيعملوا فيا ايه. واللينك : https://goo.gl/YfSjN1

العربى جروب

اشتريت جهاز مايكرويف من شركه العربى عن طريق النت ووصلبعد الطلب باربع ايام معه فقط امر تسليم وتوريد ولا يوجد معه شهاده ضمان ولا فاتوره ولما اصريت عليهم ارسلوهم بالبريد ...الفاتوره تاريخها ١٧ يناير...يوم٢٧ يناير فوجئت ان الجهاز لا يعمل ...طلبت الشركه وبلغتها يقولى هادلك على اقر مركز صيانه تودى الجهاز له ولما رفضت قالى الصيانه هايجوا يوم٣٠ طبعا مافيش حد جه ...انا الان اريد ارجاع الجهاز واسترداد الفلوس ...اعمل ايه  و ده اللينك : 

https://goo.gl/V7FiVU

سامسونج

سامسونج كالعادة

غسالة ...اشتغلت 3 شهور. .و فجأة. .وقفت. .جه الفنى. ..قال إن طلمبة الصرف عطلانة من غير ما يفك ولا حاجة و عايزة تتغير. ..14 يوم يوميا اتصالات و شكاوى و كل يوم نفس الكلمة. .فى خلال 24 ساعة. ..و طبعا لا حياة لمن  

تنادى. ..و فى الاخر يقولو قطعة الغيار مش متوفرة. ..طيب بتبيعوها ليه...طيب خدوها طيب صلحوها ولا فى أى فايدة  و اللينك : https://goo.gl/aYuYgg

العربي جروب

السلام عليكم انا هحكيلم عن مشكلتي مع العربي جروب انا كنت اشتريت شاشه نوعها TCL بضمان العربي جروب بعد م اشنريت الشاشه بحوالي خمس شهور بدأ يظهر ف الشاشه خطوط سوداء اتصلت بالرقم الخاص بالتوكيل للعربي جروب وهوا 19319 وكان الكلام ده بتاريخ 6/8/2015 وبلغت عن المشكله اللي عندي وبلغوني ان ف خلال 48 ساعه هيجي المندوب الخاص بالصيانه يبص ع الشاشه وبالفعل المندوب جه تاني يوم وبص علي الشاشه وقالي انه عيب صناعه وهيتم ابلاغ الشركه بعمل استبدال وبالفعل قامت الشركه بالاتصال بي بس لقيتهم بيبلغوني بحاجه تانيه خالص وهيا انهم هيدوني قسيمه شراء بسعر الشاشه اشتري ييخا اي منتج من منتجات العربي ومش هيكون ف استبدال للشاشه وطبعا اعترضت علي الموضوع واتفقنا ان يكون ف استبدال واتفقنا علي تغيير ماركه TCL بماركه اخري وهي TORNADO بنفس قيمه الشاشه بتاعتي والكلام ده بتاريخ 15/8/2015 ولغايه الان لم يتم استبدال الشاشه وكل لما اتصل بيهم باخد مواعيد ومحدش بيلتزم بالمواعيد دي من قبل الشركه يعني بقالي 6 اشهر ومحصلش حاجه حتي لحظه كتابة البوست فأنا حبيت انبهكم بأن مجموعه العربي مجموعه مستهتره لا تهتم بالعميل  ومشاكل ما بعد البيع.  افيدوني بأرائكم لو في حد عنده رأئ 

واللينك : https://goo.gl/qz4HFY

توشيبا العربى

توشيبا العربى - TosHiba Elaraby Elaraby Group الي السادة الأصدقاء بعد اذنكم كلة يشير الموضوع دة علشان الشركات المحترمة زي توشيبا العربي تبطل نصب علي العملاء انا اشتريت غسالة فول اتوماتيك بتاريخ 1/12/2015 طلع فية عيب صناعة أن اللوك بتاع الباب مبيقفلش كلمت خدمة العملاء علشان يصلحوها في الضمان من تاريخ 10/12/2015 كل شوية يقولوا بكرة بعدة ومفيش أي حد من الشركة او التوكيل حتي اليوم 31/1/2016 قام بصيانتها وكل مااتصل برقم خدمة العملاء 19319 ويعرفوا انك صاحب المشكلة وملهاش حل يسيبوك تسمع موسيقى لحد ماتزهق وتقفل الخط خدمة غير محترمة وشركة غير محترمة ماانصحش حد يشتري منها أي أجهزة

و ده اللينك عشان تصدقوا : https://goo.gl/ls7Ush

بيكو للأجهزه الكهربائيه

تجربتي مع شركه بيكو للأجهزه الكهربائيه
اشتريت تلاجه بيكو من سنه وسافرت فتره ورجعت اشغلها لقيتها مش بتسقع وكلمت خدمه العملاء وبعتولي شخص كشف علي التلاجه وقالي انه لازم ياخد التلاجه للصيانه وهيكلمني بعد يومين عشان يبلغني سبب العطل
وفعلا كلمني بعد اسبوع وقلي ان العيب من المكثف وانه بايظ وهيبعته يجيبوه من بره والكلام ده هياخد اسبوعين ورجعت كلمت خدمه العملاء وزعقتلهم وقالولي هنستعجله ورجعت كلمت مهندس الصيانه بعد اجازه العيد وقالي ان قطعة الغيار اتبعتت غلط واني لسه هستني تاني لحد ما قطعه الغيار الجديده تتبعت فرجعت تاني لخدمه العملاء اللي عندهم برود بشكل مش طبيعي هم بيستقبلوا الشكاوي وكل يوم حد يقولي هنرجع نكلمك ومحدش بيكلمني ولما اقولهم عايزه اكلم مدير الشكاوي او اي حد مسئول يقولولي انه في اجتماع سبحان الله بأله شهر في اجتماع
وللعلم ان مركز الصيانه اساسا تبع شركه جولدي مش تبعهم انا في الموضوع ده بقالي اكتر من شهر والتلاجه عندهم. و اللينك : https://goo.gl/CL4AxI

بوتاجاز Beko

محدش يشترى بوتاجاز "BEKo" لإن الفرن بيبوظ بسرعة وخدمة الصيانة للشركة سيئه جدا

انا كنت عاوزه بوتجاز كويس وقطع غياره متوفره وصيانته كويسه بعد مادورت وسألت علي البوتجاز قالولي بوتاجاز "بيكو" BEKO كويس وقطع غياره موجوده وفعلا اشتريته من سنه، كان شغال كويس بعد كده الفرن باظت .. كلمت خدمة العملاء قالولي 24 ساعه وحيجيلك المندوب وفعلا جه كشف علي البوتجاز وقالي هبلغ الشركة ومن ساعتها محدش اتصل وبقاله شهر ومتصلحش وكل مكلمهم مبيردوش او يردوا ويقولولى هنشوف ونقولك ومبيسألوش وانا دلوقتى مش عارفة اوصلهم والفرن بتاعى بايظ ومش عارفة اعمل إيه .. انا كدة هضطر اشترى بوتاجاز جديد بسبب  الفرن مع ان بوتاجازى لسة جديد. و اللينك : https://goo.gl/I8zeOw

I cook

انا عايزة كل المتضررين من بوتجازات I cook يشاركوني تجاربهم النهارده كلمت الشركه لخامس مرة علشان الشعله اللي في النص ده غير الشوايه اللي بتبوظ كل شهر حاجه في منتهي القرف و لما قلتلهم غيرولي الجهاز قالتلي احنا بنستبدل اول سنه في الضمان بس البوتاجاز ده مبقالوش 3 سنين تقريبا انا صلحت كل قطعه فيه و التصليح بيرجع يبوظ تاني 
انا كان عندي قبله كريازي لمده 10 سنين مشفتش فيهم بتاع الصيانه خالص

واللينك : https://goo.gl/N4tRSB

وايت ويل

بالنسبه لاي بنت عاوزة تجهز احذرررررري وايت ويل عن تجربه اشتريت سخان غاز وغساله اوتوماتيك زي الزفففففففت كل شويه تعطل وخدمه الصيانه ولا عارفين حاجه السخان بيشتغل ويطفي لوحده ونعد ساااعه عشان 

نعرف نشغله الاشعال الذاتي زفت

https://goo.gl/1QOcj2 :شوفوا بعنيكوا من هنا

Ariston Velis

 Ariston Velis تجربة سودة مع سخان 

من شركة كيم.للاسف انا اشتريت السخان 2013 و بعد سنه (أول ما الضمان خلص) تقريبا بدأت المعاناه لما  

فجأة السخان مش شغال و كلمت الشركة و جالي الفني قال دا عيب كارته و للاسف الكارته مش موجوده فالشركه,سألت طب و الحل قلي كلم مكتب Ariston مصر و اسألهم.و بعد اسابيع محاولات بين شركة كيم و Ariston مصر و التي بائت كلها بالفشل تكرم علي الفني و قلي ان في كارته مع واحد صحبه كان هيركبها لعميل تاني بس طلع العيب مش كارته و ممكن اشتريهالك منه و تم المضوع و كلفني حوالي 600 جنيه,و اشتغل السخان و للاسف اخويه عنده نفس السخان و حصل نفس العيب و طلع برضو كارته و برضو مش موجوده فالشركة و برضو عند واحد صاحب الفني و برضو نفس ال600 جنيه مره تانيه.من شهر تقريبا حصل عيب فالسخان و جيه نفس الفني ولو ان السخان المرة دي شغال بس المياه سقعة و قلي برضو كارته و ربنا يستر و متكنش بوردة شاشه,طب و العمل؟!! قلي نغير الكارته تاني.كلمت الشركة قالو للاسف جت و خلصت و احنا طلبناها من مكتب ariston مصر,3 اسابيع بتابع مع شركة كيم و Ariston و الرد هو هي وصلت بس مش عارفين هتدخل من المينا امتي (طبعا كل دا في عز موجة التلج اللي كانت من شهر بخلاف ان في بيبي عمره شهرين فالبيت)و اخيرا مع المتابعة مع شركة كيم قالو ان الشكوى اتكررت فاحنا بعتنا نجيب احنا الكارتات من بره و هتدخل ميناء بورسعيد علي اول السنه الجديده.و يحينا و يحيكو ربنا و خلينا نتفسح فالشقة فعز الساقعة علي ما اول السنه يجي. اللي يغيظ بقي ان المفروض شركة كيم دي وكيل لكذا ماركة محترمة و حطين فالمعرض بتعهم ثلاجات و بوتجازات و سحانات بارقام فلكيه.بس اشتري و ساعة 

الصيانه دور علي حد يجبلك قطعة الغيار,و مازالة المأساه مسمر

https://goo.gl/25jEbv: شوفوا بعنيكوا اللينك اهو 

فريش

سخان فريش كنترول

اشتريت السخان اول شهر 8 من كارفور اسكندرية 

وكلمنا الشركة للتركيب جات يوم 9 /8 وتم التركيب

بعدها باسبوعين سافرنا يومين جيت لقيت السخان فاصل ومش شغال

كلمنا الشركة قالت هنبعت الفنى يشوف العطل

جة بعدها ب 9 ايام و شغلة ونسالة ع السبب يقول دة شغلى

نص ساعة بالضبط والسخان فصل تانى كلمنا الفنى قال دة عيب بوردة يومين و هاجى تانى 

قعد 15 يوم واتصلنا بالشركة تقول هوة مكلمكمش و التاخير بسبب عدم وجود البوردة

الفنى كلمنا النهاردة و تم تغيير البوردة والترموستات فى السخان و السخان قعد حوالى 3 ساعات وفصل تانى..

جوزى كلم الشركة قالهم عاوزين نغير السخان لاننا لسة شارينة من حوالى شهر ودة كدة عيب تصنيع قالولة يومين ونرد عليك و كلم الفنى قالة يومين واجيلك لازم اعمل تقرير

طيب احنا نقعد كل دة وبد ون سخان والعيب تصنيع اساسا

https://goo.gl/TDG9IT :واللينك أهو عشان تتأكدوا بنفسكوا

وايت وايل white whale

اسوء خدمة ما بعد البيع شوفتها في حياتي
شهادة الضمان عشان افعلها بفلوس و قلت ماشي 
استنا البيه من الساعة 2:00 ل 5:00 عشان يجي يركب الغسالة.. ماشي
اكلم خدمة العملاء تقولي اهدا و نلتزم بسياق المكالمة 
سياق ايه يا شركة.... انا لغاية دلوقتي مستنيه 

اللينك : https://goo.gl/6nyeVB

توشيبا العربى

عبت و زهقت من شركه توشيبا العربى اشتريت فرن بلت ان تورنادو بقالى شهر و بتصل بيهم و بعدين الهانم اللي اخدت البيانات بعد نص ساعه رغى و انتظار و شمال و يمين اخدت البيانات غلط و بعتو لينا واحد على انه سخان و جه المندوب و اخد البيانات تانى و قال ها ابعت لكم واحد تانى متخصص و لا حد عبرنا اتصلنا اربع مرات كل مره طبعا حوالى نص ساعه يعنى قربنا نصرف على الصيانه قد تمن الفرن و مش عارفه اعمل ايه دلوقتى علشان يتكرمو عليه و يجو يشغلو الفرن واللينك :  https://goo.gl/SMMnaQ

تورنيدو العربى

السخان بيجيب غاز بس بيعلق يعنى ساعات و ساعات بس لما بيعلق بيجيب غاز يموت بلد ..و كلمت العربى جم اول مره و صنفر الحساس و مشى .. عمل تانى .. كلمتهم جالى واحد مهنش عليه يفتح حتى السخان مع العلم انه كان جاب مايه بعد ما ممشى .. و كان عايز يسحب السخان اسبوعين للتجربه فى الورشه .. وانا المفروض اقعد من غير مساه سخنه فى السقعه ده .. الراجل مشى .. بعديها بيوم السخان هب و جاب نار كان حيولع فى الشقه و شاشه الحراره جابت error

عملت بلاغ من يوم السبت 9 يناير كل يوم يقولولى بكره و انهارده خدمه العملاء بتكلمنى عشان تعرف الfeedback بتاعى بعد الصيانه اللى متعملتش اصلا !!! بتخايل عليهم يشتغلوا و كل شويه لما اكلمهم . احنا بنعتذر .. حنحل المشكله .. و الكلام ده . السخان فيه عيب و فيه مشكله .. انا قدمت ورقه الصيانه و الشكاوى و الفاتوره و جيبت شركه الغاز كشفه و عملولى محضر اثبات حاله بتسريب غاز بسبب السخان .. كل الورق ده حيتقدم لحمايه المستهلك الاحد ان شاء الله
العربى جروب اسؤا خدمه بعد البيع و الصيانه و يقولك شكرا شكرا شكرا على ثقتك

واللينك ده : https://goo.gl/EIohph

منتجات تورنيدو العربي

أحذركم جميعا من شراء منتجات تورنيدو العربي ... لا يوجد خدمة بعد البيع 
عندي سخان اشتريته من 5 شهور بايظ من يوم 20 نوفمبر وقالوا لي سيتم استبداله وحتى اﻵن بعد مرور 35 يوم لم يتم الاصلاح ولا الاستبدال https://goo.gl/gZkRFa

فريش

سخان فريش هو اللى عمل كده فبيتى فى برج العرب ربنا ينتقم منهموالادهى من كده انى كنت اشتريت منهم خمس تكييفات للغرف و اتنين بوتاجاز و اتنين سخان السخانات دمروا الفيلا و على فكره دول ناس مش محترمه

الصور عشان تتأكدوا 

واللينك شوفوا بعنيكوا :

https://goo.gl/vu19A8

توشيبا العربي

توشيبا العربي ....تجربة سيئة اخذت من أعصابي الكثير ..وأفقدتنى الثقة في المنتج المصرى ..وضيعت اجازة نحلم ان نقضيها بمصر ..منذ عودتى من الخارج وانا أعانى من شركة تنحدر بسوء خدمتها من خلال عدم احترام العملاء ..سخان كهربائى اشتريته من فرع توشيبا بمول العرب وقام بتركيببه فنى الشركة ووجد به تسريب داخلي واوضح انه عيب صناعة وسجل انه سيسحب من خلال المصنع..تم الشراء 31يوليو والتركيب 2اغسطس..وحتى الآن الجهاز موجود ولم يتصل بي احد وخدمة العملاء منتهى اللامبالاة ..المفروض يتم استبدال الجهاز بآخر ولايعقل ان يتم إصلاحه ..ومامعنى ان أقبل بجهاز به عيب صناعة ..لﻷسف الشديد اجازتى ضاعت.. وليخجل ابناء الحاج محمود العربي الذي بنى مصنعه منذ 50 عاما واتوا ليضيعوا كل شئ بعدم احترامهم لعملائهم ولاسم والدهم ..القصة ليست في ثمن السخان ..القصة في فقدان الثقة في المنتج المصرى ..لاحول ولا قوة الا بالله.

اللينك عشان تشوفوا بنفسكوا : https://goo.gl/yBO4UC

سخان تورنيدو

تجربة سيئة مع سخان تورنيدو بضمان العربى جروب .السخان لسه جديد و متركب من يوم 30 اغسطس يعنى مكملش ثلاث شهور السخان غاز اللى ركبه شركة تاون جاس بتاعت الغاز نفسها مش سباك عادى .كان شغال كويس جدا لغاية من يوم 20 نوفمبر و الماية السخنة شغالها عادى لاقينا نار طالعة من السخان و بيولع جرينا قفلنا محبس الغاز لغاية ما النار وقفت الحمدلله .لغاية ما كلمت العربى جروب يوم 21 نوفمبر و اخذت ميعاد لغاية اللحظة دى اخدت ثلاث مواعيد انهم يجوا يشوفوا السخان و كل ميعاد ميجوش و لا حتى يعتذروا عن عدم الحضور .مفيش حل غير انهم لو مجوش النهاردة انى اعمل بلاغ فى القسم و ابلغ جهاز حماية المستهلك و انشر على النت مساؤهم و احذركم من التعامل معهم لان لاقدر الله حريق فى السخان يعنى كان ممكن يسبب كارثة حقيقية و خصوصا انه غاز صورة السخان هتلاقوها فى اول كومنت .... تحديث تم التواصل من قبل العربى جروب و ارسال الفنى .

 وصورته اهى 

                                    

                                                                

دفايه تورنيدو

شتريت السنه الى فاتت دفايه تورنيدو من مول عبد العزيز الى فى مدينه نصر و شغلتها مره واحده بس ...السنه دى جيت اشغلها لاقيتها بتطلع دخان من الريش و السطح بتعها بيتحرق و بيتقشر ...نصيحه بلاش الدفايه دى  و اللينك : https://goo.gl/CJ3Y4A

أيديال زانوسي

يا جماعة ليا تجربة أليمة مع شركة أيديال زانوسي عندي غسالة أيديال زانوسي إيطالي بيقولوا عليها كدة ! الغسالة ما كملتش معايا ٤ سنين .. الباب قفل ما فتحش كلمتهم قالولي ده القفل بتاع الباب وغيرته في شهر أكتوبر في ديسمبر حصل نفس الموضوع كلمتهم اول واحد جالي قالي ده مقبض الباب مش القفل .. تاني واحد جه غير المقبض والغسالة برضه ما اشتغلتش قالي محتاجة زيارة تالتة لان غالبا برضه القفل بايظ .. كلموني قالولي القفل ناقص واصل ده بييجي بسفن وشحن ومش عارفيين حيتوفر امتي حنكلمك في خلال ٧٢ ساعة وفي خلال ٧٢ ساعة حنكون اجازة عشان اجازة مولد النبي !!! خلصت الاجازة قعدت اكلمهم ما عرفتش الكول سنتر كان بايظ !! مع ان كان المفروض هما اللي يكلموني فضلت وراهم تاني يوم وكل مرة أتكلم ببتدي الكلام مالاول كأنهم ما يعرفوش ايه المشكلة .. بعتولي واحد تالت قالي لا دي المشكلة في الكارتة ودي ب ٧٥٠ج !! القفل كان ب ١٦٦ والمقبض ب ١١٠ ودلوقتي الكارتة ب ٧٥٠ !! كلمتهم رابع مرة اشتكي بعتولي الرابع النهاردة بالكارتة قالي دي ب ٨٠٠ ج وحتدفعي ٧٥ ج كشف !!! بتاعة ايه ال ٧٥ ؟؟ !! دفعتها عشان اخلص لان بقالي ٣ أسابيع من غير غسالة وده الاسبوع الرابع جه يركب الكارتة قاللي الكارتة الجديدة بايظة !!! قلتله يعني ايه قاللي يعني حجيبلك كارتة جديدة غيرها بكرة وكلم واحد عالتليفون قاله ده انت لازم تركب كارتة ومعاها قفل جديد !!!! ومستنياهم ييجوا بكرة !!! ....... ولا ياس مع الحياة ولا حياة لمن تنادي !!!! ما تشتروش غسالة أيديال الإيطالية ... فلوسكوا حتروح في الارض !!!! واللينك :https://goo.gl/WQZ6uM

اريستون

سلام عليكم.. كنت جايبه فرن بيلت ان من شهر ماركة اريستون وبعد استخدام 6 مرات تقريبا انفجر الزجاج الخارجي وتناثر في ارجاء الشقة ولولا لطف ربنا لم يصيبني شئ انا وبنتي.. الشركة ابدت استعدادها لتغيير الباب بس انا خايفة الموضوع يتكرر هل اطالب باستبدالة بجهاز اخر ولا استرد الفلوس واجيب ماركة تانية ولا اكتفي بتغيير الباب وادعي الا يتكرر الموضوع مع العلم اني قلقانة ان لو تكرر حد مننا لا قدر الله يجرالة حاجة؟؟؟ افيدوني.. تحديث البوست.. تم استبدال الفرن باخر في ظل تعامل محترم وراقي من خلال بي تك و اريستون. شكرا لكم جميعا.. ربنا يحفظنا واولادنا جميعا

اللينك :https://goo.gl/43FlRa

تورنيدو العربى

احب احذركم من شراء جهاز سخان الغاز تورنادو من توشيبا العربي .... الجهاز مش مظبوط وانا اتصلت بالصيانة من يوم 2 ديسمبر وحتي الان 15 ديسمبر لم يحضر المندوب للاصلاح وتحدثت مع خدمة العملاء وكل مرة يعطوني موعد ولا يلتزموا به يبدو ان مندوبي الصيانة لديهم فوق المسائلة ... علي فكره انا اعطيتهم مهله لغاية نهاية اليوم لو محدش جه من عندهم ح احرق الجهاز وانزل الفيديو علي اليوتيوب عشان الناس تعرف ان الشركة دي مش بتحترم العملاء 

جبتلكوا اللينك عشان تتأكدوا : https://goo.gl/sw9rhI

سخان Ariston Velis

تجربة سوده مع سخان Ariston Velis من شركة كيم.للاسف انا اشتريت السخان 2013 و بعد سنه (أول ما الضمان خلص) تقريبا بدأت المعاناه لما لقيت فجأة السخان مش شغال و كلمت الشركة و جالي الفني قال دا عيب كارته و للاسف الكارته مش موجوده فالشركه,سألت طب و الحل قلي كلم مكتب Ariston مصر و اسألهم.و بعد اسابيع محاولات بين شركة كيم و Ariston مصر و التي بائت كلها بالفشل تكرم علي الفني و قلي ان في كارته مع واحد صحبه كان هيركبها لعميل تاني بس طلع العيب مش كارته و ممكن اشتريهالك منه و تم المضوع و كلفني حوالي 600 جنيه,و اشتغل السخان و للاسف اخويه عنده نفس السخان و حصل نفس العيب و طلع برضو كارته و برضو مش موجوده فالشركة و برضو عند واحد صاحب الفني و برضو نفس ال600 جنيه مره تانيه.من شهر تقريبا حصل عيب فالسخان و جيه نفس الفني ولو ان السخان المرة دي شغال بس المياه سقعة و قلي برضو كارته و ربنا يستر و متكنش بوردة شاشه,طب و العمل؟!! قلي نغير الكارته تاني.كلمت الشركة قالو للاسف جت و خلصت و احنا طلبناها من مكتب ariston مصر,3 اسابيع بتابع مع شركة كيم و Ariston و الرد هو هي وصلت بس مش عارفين هتدخل من المينا امتي (طبعا كل دا في عز موجة التلج اللي كانت من شهر بخلاف ان في بيبي عمره شهرين فالبيت)و اخيرا مع المتابعة مع شركة كيم قالو ان الشكوى اتكررت فاحنا بعتنا نجيب احنا الكارتات من بره و هتدخل ميناء بورسعيد علي اول السنه الجديده.و يحينا و يحيكو ربنا و خلينا نتفسح فالشقة فعز الساقعة علي ما اول السنه يجي. اللي يغيظ بقي ان المفروض شركة كيم دي وكيل لكذا ماركة محترمة و حطين فالمعرض بتعهم ثلاجات و بوتجازات و سحانات بارقام فلكيه.بس اشتري و ساعة الصيانه دور علي حد يجبلك قطعة الغيار,و مازالة المأساه مسمره  واللينك اهو : https://goo.gl/YF9P0r

وايت بوينت العبد

السلام عليكم ورحمة الله وبركاته
في رقم صيانة تبع وايت بوينت العبد 19094
محدش يتعامل معاهم نصيحة مني
اخدوا غسالتي من اسبوعين عشان تتصلح وقالوا بعد 4 ايام هتيجي وطبعا كل يوم يقولوا جية في الطريق ولما متجيش واكلمهم يقولوا حصل مشكلة وهتجيلكم بكرة وكلمت كل المديرين وبردو مفيش فايدة واخر ما زهقت قلتلهم عيزاها مش متصلحة قالولي تاني4 ايام وتيجي مش متصلحة وبدأ السيناريو من الاول
ودلوقت انا استعوضت ربنا في الغسالة وعرفت انها مش جية
غير اصلا ان غسالتهم اصلا نوعها وحش جدا ومع اني شرياها من 2 بس لكن دي رابع مرة تعطل مني
الخلاصة اللي عنده النوع ده ميتعاملش مع رقم الصيانة 19094
واللي معندوش النوع ده وايت بوينت العبد ميفكرش يشتريها لانها هتطلع عينه ولاحظت انها بتبقي مركونة في المحلات وبيحاولوا يخلصوا منها ويقنعوك بيها ... و ده اللينك https://goo.gl/GvIsrN

تورنيدو العربى

سخان تورنيدو العربي
40 يوم والسخان عطلان وتم عمل تقرير استبدال
ومن يومها وخدمة العملاء لا يوجد عندهم سوى عدة جمل محفوظة:
جاري بحث الشكوى
تم تصعيد الشكوى
جاري العمل على انهاء الشكوى

شوفوا بعنيكوا من هنا : https://goo.gl/Z1d4Sm

L.G

#‎LG‬ LED smart TVs
بمجرد أني وصلته بالكهرباء حصله فرقعه وشرخ زي ما أنتم شايفين .. والعجيب ان LG قالت ده total loss ومش هنغيره .. ايه رأيكم في التوكيل الي مش محترم ده ..المحل الي اشتريت منه ‪#‎rizkallah‬مكان سيّء وده اللينك عشات تتاكد بنفسك https://goo.gl/zVLixo

سخانات تورنيدو

                                                                سخانات تورنيدو

سخان تورنيدو...تجربه سيئه..اشتريته م اسبوعين وباظ فجاه ...اتصلت بالشركه بعتولى الفنى تانى يوم ...الفنى جه وقالى محتاج قطع غيار بس مش هتيجى غير بعد يوم ٧ يناير علشان عندنا جرد....اتصلت تانى بالشركه اعاتبهم ازاىهاستنى اكتر م اسبوع ف الشتاء دا علشان السخان...قالولى ظروف طارئه وكدا ...وادينى مستنيه.

وده اللينك عشان تشوفوا بعنيكوا https://goo.gl/fMcRN1

العربى جروب Alaraby Group

بعد كده يا جماعة اللي يشتري منتج من العربي جروب Elaraby Group يعمل حسابه انه لو حصل فيه مشكلة الشركة معندهاش حاجة اسمها صيانة للاسف انا شاري منهم تليفزيون و حصل فيه عطل كلمتهم من 27-10 قالولي هنيجي ف خلال 72 ساعة و مجوش و من ساعتها عملت اكتر من 6 شكاوي و كل مرة الكلمة المعهودة 72 ساعة ....مع العلم ان التليفزيون ف الضمان وده اللينك عشان تشوفوا بنفسكوا  https://goo.gl/tZEj8A

Fresh

فريش ..... شركة فريش من اسوأالشركات اللى ممكن تتعامل معاها ...وخصوصا ان المنتجات بتاعتها بتبوظ بسرعة ............اشتريت غسالة اطباق صغيرة منهم وبعد 5شهور عطلت وطلبتهم وصلحوها .....وبعدين عطلت تانى وكلمتهم ..جه الفنى وقالى دى هتتكلف 450 جنية عشان عاوزة طلمبة ....مش عارفى يعنى ايه؟ المهم قولته بس كدة كتير الغسالة كلها ب 1200 جنيه ...وانتو هتصلحوها ب 450 
ليه وفى النهاية مرضيوش يصلحوها ومشيو ......مع ان الغسالة دى اشتغلت بالظبط 5 شهور بس لانى مكنتش بستخدمها ف الصيف .......ياريت متسترخصوش زى ما انا عملت ...هاتو حاجةة غالية وتمنها فيها

https://goo.gl/9aMXi1

أولمبيك

                                                           سخانات اوليمبك 


إشتريت سخان أوليمبك غاز ويا ريتتي ما أشتريته بصراحه مش فاكره من سنتين ولا تلاته .المهم مرتين اطلب الصيانه ومافيش مشكله بيجوا بس السخان يتصلح يومين ويرجع لنفس العيب مافيش مايه سخنه .يعني الشركه اللي منتجاه مش عارفه تصلحه مين يعرف .بجد زهقت الدنيا برد ومش عارفه اعمل ايه . 
خدمه صيانه زفت سوري في الكلمه

اللينك عشان تتأكدوا https://goo.gl/3GKxLb

Franke

Never buy franke products . I got the attached device less than a year and as u see the rust is on its sides and column and the most impressing thing is that i have called the customer service since DEC 1st and no one came to see it ....it is the worst brand name i used 
https://goo.gl/PPo6jh

زانوسي

                                                               سخانات زانوسى

اشتريت سخان زانوسي الديجيتال في شهر يناير و للاسف السخان لا يعمل من يوم ما اشتريته .. الاول جالي بتوع الصيانه 4 مرات و كل مره يغير سلك شكل و برضه بعد ما يمشي العطل يفضل موجود و السخان ما يشتغلش .. في المره الخامسه جه غير كل حاجه في الاسلاك ثاني و لكن بالليل و احنا نايمين للاسف كل الاسلاك ساحت و طلعت شياط رهيب و الحمدلله اننا صحينا و لحقنا نفسنا قبل ما نتحرق .. و كلمنا الشركه و جه للمره السادسه صلحه و كالعاده برضه بايظ حتي الفني قالنا انا هشوفلوكو حل في الشركه و ارجع و طبعا اختفي و كلمنا الشركه بعتولنا واحد من الجوده و اول ما وصل قال لنا ما تقلقوش الحل عندي لان بتوع الصيانه ما بيعرفوش يركبوا السنسورز و فعلا ركبه و كله تمام و فرحنا بالميه السخنه اخيرا بعد شتاء قارص بدون ميه سخنه و اطفال بيستحموا بميه متسخنه في براد الشاي .. و لكن يا فرحه ما تمت و بعد ساعه واحده السخان طلع شياط و كنا هنتحرق للمره الثانيه علي التوالي .. المهم انا دلوقت بعد القصه دي و بعد اربع شهور انا محتاجه مساعدتكم للوصول لاي مسوؤل في شركه اوليمبك لانهم مش راضيين يوصلوني بالمسوؤل و مش راضيين يرجعولي فلوسي ولا يستبدلو السخان اللي مشتغلش ولا يوم .. و مش راضيين يدوني تقرير بعدد الزيارات اللي تجاوزت ال8 زيارات 

    شوفوا بنفسكوا :https://goo.gl/St5caa